Култуура үлэһиттэрин ааспыт 2025 сылы түмүктүүр, Өрөспүүбүлүкэҕэ «Култуура» сылын арыйар үөрүүлээх тэрээһиннэрэ ыытылынна.Тэрээһиҥҥэ улуус баһылыга Василий Алексеев кыттыыны ылан, айымньылаах үлэлэригэр ситиһиилэри баҕаран туран, Россияҕа «Сомоҕолоһуу», Өрөспүүбүлүкэҕэ «Култуура», улууска «Түмсүү уонна бииргэ үлэлээһин» сылларыгар туруоруллубут соруктары үрдүк тэрээһиннээхтик ыыталларыгар баҕарда, итиэннэ улуус култууратын сайдыытыгар кылааттарын киллэрсибит үлэһиттэргэ наҕараадалары, махтал суруктары туттарда. Ааспыт 2025 сыл түмүгүнэн… (читать далее)

Быйыл үүммүт 2026 сылга Дьиэрэй эр дьон народнай коллективын иһинэн тэриллэн ВИА группа үлэтин саҕалаата. 90 с сылларга Танда төрүт култууратын киинигэр ВИА бөлөх күүскэ сайдан үлэ күөстүү оргуйара, ыһыллыы-тоҕуллуу бириэмэтигэр симэлийбитэ, ону быйыл иккис тыыннаан ким баҕалаахха куруһуок арылынна. Киэһээтин клубка эдэр ыччат мустан, тыас таһааран эрэллэр. Салайааччынан Дьиэрэй народнай коллектив концертмейстера Владислав Кривошапкин.

Бүгүн о.э. тохсунньу ый 22 күнүгэр күнүс 14 чаастан спортзалга (кулуупка) Улуус баһылыгын 2025 сыллааҕы үлэтин отчуоттуур мунньаҕа нэһилиэнньэ иннигэр ыытылынна. Кыттыыны ыллылар: 1.Аргунов Григорий Федорович- Уус-Алдан улууһун баҺылыгын солбуйааччыта, группа салайааччыта; 2.Гоголев Максим Петрович-В.В.Никифоров-Күлүмнүүр аатынан «Тойон Мүрү» культура киинин директора; 3.Сивцев Артем Николаевич – тыа хаһаайыстыбатын управлениетын начальнига; 4.Готовцев Дмитрий Романович — ГУП ЖКХ… (читать далее)

Быйыл 2026 сылы көрсө, сылын ахсын үтүө үгэскэ кубулуйбут волейболга көлүөнэнэн күрэхпит тохсунньу 7-8 күннэригэр үрдүк таһымҥа буолан ааста. Быйыл Бээрийэ, 2 Байаҕантай уонна Байаҕантай нэһилиэктэрин хамаанадалара кытынныллар. Уопсай түмүккэ Бээрийэ бастаата, Байаҕантай ыччата иккис, Байаҕантай бэтэрээн волейболистара үһүс.

Бүгүн Байаҕантай нэһилиэгин кэнчээри ыччатыгар саҥа дьыллааҕы тэрээһин ыытылынна. Нэһилиэк баһылыга ааспыт 2025 сылга бастыҥ үөрэнээччилэргэ анаан бэлэхтэри туттарда, инникитин ситиһиилэри, дабайыылары баҕарда. Тымныы Моруос оҕонньор сиэн кыыһынаан кэлэн оҕолорго подароктарын туттарда, оҕолор дуоһуйа маассабай оонньууларга кытыннылар, сэмэй бэлэхтэри тутан үөрдүлэр-көттүлэр.

Быйыл саҥа 2026 сылы көрсө Золушка остуоруйаны уларытан икки Маачаха кыргыттарын Каркушалаах, Марпушаны остуоруйаларынан сырытыннаран бэрээдэктэрин көннөрдүбүт, үчүгэй персонаж оҥортоон дьон-сэргэ биһирэбилин ыллыбыт. Сценарийы суруйда Саха Республикатын культуратын туйгуна Михаил Неустроев, туруорааччы режиссер Саха Республикатын культуратын туйгуна Анна Попова, уотунан, музыканан киэргэттэ Дьиэрэй эр дьон народнай коллективын концертмейстера Владислав Кривошапкин. Оруолларга оонньоотулар:

Бүгүн нэһилиэкпит инники кэскиллэригэр, Тымныы Моруос оҕонньор сиэнинээн Хаарчааналыын үүнээри турар саҥа 2026 сылы уруйдаан, оҕолорго бэлэҕин туттарда