Бүгүн 4 Дьоруойдаах Байаҕантай нэһилиэгин олохтоохторо уонна кэнчээри ыччаттара, ахсынньы 1️⃣6️⃣ күнүгэр тымныы күн диэн толлубакка бука бары түмсэн Кыайыы 80 сылын түмүктүүр үөрүүлээх тэрээһиҥҥэ кыттыыны ыллылар.
Тэрээһин 11ч.00м-И.П.Готовцев аатынан Тандатааҕы музейга- « ДЬОРУОЙДАР АЛМААСТАРА💎 -ТАНДАҔА» — быыстапка аһыллыытыттан саҕаланна (💎Советскай Союз Геройа Владимир Денисович Лонгинов аатынан 94,19 караттаах, 💎 Үлэ Албан Аата орден толору кавалера, Россия Үлэҕэ Геройа Михаил Николаевич Готовцев аатынан 46,81 караттаах, 💎Социалистическай үлэ Геройа Елизавета Ивановна Бурцева аатынан 69,32 караттаах, 💎 Социалистическай Үлэ Геройа Анастасия Семеновна Копырина аатынан 61,04 караттаах, 💎 Россия Героя Михаил Михайлович Стрекаловскай аатынан 51,57 караттаах алмаастар)
12:00-Тандатааҕы В.Д.Лонгинов аатынан норуот айымньытын киинигэр –Улуу Кыайыы 80 сылын түмүктүүр үөрүүлээх чааһа үрдүк таһымна түмүктэннэ.
